࿐དམ་བཅའ་བཞག་ཡོད།

བོད་ཁྲག་གིས །

ཡིད་འོང་མཛེས་སྡུག་གི་སྤང་ཐང་དེ་ནས།།

གཡུ་སྦྲང་གཤོག་ཐོགས་ཀྱི་རྩེད་གླུ་གྱེར་དུས།།

དགའ་དུང་གཏམ་རྒྱུད་ཀྱི་སྙིང་གཏམ་ངར་མོ།།

མགྲིན་པའི་གསེང་ལམ་ནས་ལྷོད་ཀྱིས་བཞུར་སོང་།།


ལྷད་མེད་བརྩེ་དུང་གི་གསང་གཏམ་མོད་པོ།།

དམར་ཆུང་སྙིང་ཁོག་ན་དམ་དུ་སྦས་ཡོད།།

འགྱུར་མེད་གནའ་ཚིག་གི་དམ་བཅས་མདུད་པ།།

མྱི་ཁས་བར་ཆད་ཀྱི་རླུང་བུས་མི་ཤིགས།།


གཟི་མིག་དགུ་སྒྲིལ་གྱི་ལག་གདུབ་དེ་ལ།།

རིན་ཐང་གཞལ་མེད་ཀྱི་གོང་ཚོད་མེད་རུང་།།

བརྩེ་བ་རྣམ་དག་གི་བདེན་དཔང་ཡིན་པས།།

སྙིང་གི་གཅེས་ལོ་མས་བོར་གི་མ་འཕྱུག།


གསོན་ན་ཚེ་གཅིག་གི་གཟའ་ཚང་ཉན་དགོས།།

ཤི་ན་དུར་གཅིག་གི་འཇོག་ས་གནས་དགོས།།

ཤི་གསོན་མཉམ་གནས་ཀྱི་བརྩེ་བ་འདི་ལ།།

ལས་དབང་རྒྱལ་མོ་ཡིས་གུ་ཡངས་གནང་རོགས།།

推荐阅读更多精彩内容