闲话上海之——话“洋”字(上海方言文章)

       

图片发自简书App

        上海勒拉1843年就开埠了,是一座五方杂处额城市,最易接受、吸收外来文化与多元文化,城市文化啊是兼容并蓄额,勒辣老底子额上海文化当中,上海人最最欢喜用额词语之一,就一个“洋”字了。

图片发自简书App

        勒辣老底子上海,假使有一个大人,或者一群大人,看到一个小囡马相长得交关好看,不管伊是男小囡,还是女小囡,上海人统统都欢喜称伊为“洋囡囡”。

图片发自简书App

        勒辣老底子上海,上海人家家户户都要用到煤球炉子,经济条件好一眼额人家,会得使用煤油炉子,生炉子所用到额“火柴”,上海人勿是称伊为“自来火”,就是称伊为“洋火”。“洋火”额使用频率要比“自来火”来的高、来得多,之所以上海人欢喜把“火柴”称之为“洋火”,就是因为“洋火”是由外国人发明额,是外国人从外国引进到中国、引进到上海来额!

图片发自简书App

        勒辣老底子上海,某些做生意额各类商贩,最最欢喜就是——“斩人家葱头”。“斩人家葱头”迭句闲话额意思是讲,对于勿灵行情与市面额人,伊来买么事,可以狠狠交敲人家一记竹杠、骗人家一眼铜钿,拿低档物品高价卖把别人家。还有一句闲话叫:“伊拉专门是斩洋葱头额!”意思是讲,勒辣做生意额过程当中,专门欢喜去敲外国人额竹杠、骗外国人额铜钿,因为外国人对中国额情况、行情与市面勿大清爽,所以很容易下手。不过,现在额老外们,门槛啊变得越来越精了,要想敲老外额一记竹杠,骗伊拉额铜钿,就勿像过去加么容易了!

图片发自简书App

        勒辣老底子上海,混迹于江湖(职场)中额上海男人,或勒辣江湖(职场)中“讨生活”额上海男人,必定要准备好一两套出客的行头——“洋装”,哪怕是经济条件老推板额男人,也要准备好一套“洋装”,所谓额“洋装”就是“西装”。假使讲,所穿额西装有明显额破损之处,又易被别人家发觉额闲话,上海人最欢喜讲一句闲话就是:“迭额人真是一个洋装瘪三!”还有,上海人发明了“假领头”,“假领头”又叫“节约领”,上海人穿西装一定要戴一条领带,假使是衬着假领头戴着领带,就算碰到天气炎热额日节,都不好把外套脱了,脱了外套,上海人就会的讲伊:“迭额人赤膊带领带,真是一个洋装瘪三嘛!”……容易被别人家看勿起、议论纷纷、说三道四一番……

图片发自简书App

        勒辣老底子上海人俗常生活当中,对于钞票额数量单位勿大欢喜讲“元”,特别欢喜讲“块”,如果侬到小菜场去买小菜问价钿、讨价还价,讲几元1斤,就算还价成功了,营业员啊会勒拉背后讲伊:“迭额人标标准准是一个洋盘,有眼阿乡兮兮(滴答),大概今朝伊从十六铺码头刚刚上来!”……上海人还发明了一个词语“洋钿”,自从发明了“洋钿”迭额词语以后,勒辣讲“块”额辰光,后面一定要加一个“洋钿”迭额后缀词语,如:一块洋钿、五块洋钿、十块洋钿……就算是讲到了角分,最后眼板数要加“洋钿”两个字,如:五分洋钿一把葱,一角洋钿三块老姜……老底子钞票金额最高是十块,不过自从诞生了50块帮100块面值以后,就勿加“洋钿”两个字了,因为加了“洋钿”两个字,读起来就勿大流畅了,所以就勿用了。尽管“洋钿”迭额词语,现在用得比较少了,但是,偶尔听到有人还勒辣讲,还是感到蛮亲切额。

图片发自简书App

        还有,正因为上海是最早开放、最早接受外来文化帮西方文化额城市之一,所以勒辣俗常生活当中,不管啥额人、啊不管伊具体是做啥额事体,都比较欢喜跟“洋”字搭架、跟“洋”字沾亲带故做亲眷。

图片发自简书App

        上海人欢喜把土豆或马铃薯,称之为“洋山芋”;吹的各种气球称之为“洋泡泡”;连讲到“蜡烛”两个字,啊要勒辣“蜡烛”前头加一个“洋”字,称之为“洋蜡烛”,还有一句上海俗语讲得好:“侬迭额人真是个洋蜡烛,勿点勿亮!”;清朝后期至解放初期,吾伲所使用额各种银元,譬如讲:光绪元宝、袁大头、孙大头、墨西哥鹰元……上海人一律称之为“银洋钿”;就连跟吾伲隔海相望额邻国——日本,上海人啊要称伊拉国家额人,不是“东洋人”,就是“东洋鬼子”……

图片发自简书App

        关于“洋”字额词语帮故事,还有交交关关,一时头浪讲啊讲勿光!

图片发自简书App

      【备注:①文章为作者原创;②各类老上海风情图片均来源于网络·由连环画大师贺友直画;③感谢原创图片。】

图片发自简书App

        杜老倌侠客居(陆伟)写于2014年01月31日星期五晚上

推荐阅读更多精彩内容

  • 1、昨天绿城物业平台方案已经确定了一稿,只等通过审批,详细见附件 2、蓝湾的活动是,美食课堂10000元一场,只借...
    Katrina程阅读 42评论 0 1
  • 斗转星移,前门不能固守他的高姿态,当城市建设与历史发生冲突的时候,历史要适应时代的潮流而改变自己。 前门不应该是记...
    漫游家阅读 384评论 0 0
  • 文/拥抱太阳的姑娘 01 下午两点半的教室里,窗外阳光正好,麻雀在枝头唧唧喳喳,微风拂面,我坐在教室靠窗的最后一排...
    拥抱太阳的姑娘阅读 254评论 2 6
  • 姓名:符小艳 公司:海南蔚蓝时代实业有限公司 378期学员反省塾生【日精进打卡第32天】 【经典诵读】 《六项精进...
    符筱艳阅读 56评论 0 0